MKUU WA WILAYA YA NJOMBE AHAMASISHA KILIMO CHA CHAI

Watu wa kada mbalimbali walijitokeza kwenye siku ya Utalii iliyofanyika kimkoa katika viwanja vya Turbo Mkoani Njombe,katika maadhimisho hayo yaliyofanyika mara ya kwanza toka Mkoa wa Njombe utangazwe kuwa Mkoa mwaka 2011.

Katika maadhimisho hayo mgeni rasmi alikuwa mkuu wa mkoa wa Njombe Capt (MST) Aseri Msangi aliye wakilishwa na mkuu wa Wilaya ya Njombe Sarah Dumba.

Sarah Dumba alisema kua Mkoa mpya wa Njombe unavivutio vingi ambavyo vinaweza kutangazwa na kuongeza ajira kwa vijana  wa Njombe na kuongeza Kipato kwa wananchi wa Njombe na Tanzania kwa Ujumla.

Mkuu huyo wa wilaya alivitaja baadhi ya vivutio ambavyo vipo Mkoani Njombe pamoja na Msitu wa Asili wa Nyumbanitu ambao unavivutio vingi kama vile Kuku,Nyoka na sehemu ya Matambiko, Maporoko ya Mto Ruhuji,  Mamaki wa Mapamgo Mto Hagafilo Maeneo mengine yenye vivutio nikama chemichemi ya majimoto(Mbega), mapango ya wapiganaji wa vita vya majimaji (Utengule), Mafuvu ya watuwa kale(Nyikamtwe).  

Aliongeza kuwa Mkoa wa Njombe ,wananchi na wanahabari kwa ujumla wanatakiwa kutangaza vivutio mbalimbali vya utalii amabavyo vipo mkoani humo ilikuweza kutambulika kitaifa na kimataifa,hii itasidia kuleta watalii mbalimbali kutoka ndani ya nchi na nnje ya nchi,na kuwomba watu mbalimbali kuwekeza kwenye sekta ya Utalii katika Mkoa huo.

Katika maadhimisho hayo bidhaa mbalimbali za kiasili ziliweza kuonyeshwa kwa wananchi ,bidhaa kama ,Mikeka, Vikapu,Viti na Vyungu,bidhaa zote hizo zilitengenezwa kwa vitu vya asili na wananchi wengi walijitokeza kununua bidhaa hizo.

Naye Katibu Tawala Mkoa wa Njombe Bi.Baruani Mgeni aliwomba wananchi mbalimbali kupigia kura vivutio vya Tanzania ili viingie kwenye maajabu saba ya Dunia,alivitaja vivutio hivyo ni Mlima Kilimanjaro,Serengeti na Ngorogoro ,pia alisema kuwa kwasasa Njombe ni mkoa ambao unajitegemea na utakuwa unafanya maonyesho ya utalii kila mwaka kama mikoa mingine inavyofanya.